قالت الفنانة داليا مصطفى إنها أصبحت أكثر وعيًا ونضجًا في التعامل مع الأزمات التي تمر بها، مؤكدة أن كل تجربة صعبة تواجهها تعتبرها درسًا من ربنا لمساعدتها على التطور والنضج النفسي.
الوعي والتطور الشخصي
وخلال لقائها مع الإعلامية شيرين سليمان في برنامج سبوت لايت على قناة صدى البلد، أوضحت داليا مصطفى: “أنا مقتنعة إن كل مرحلة في الحياة لها حلاوتها حتى لو كان فيها مشاكل، والمشاكل اللي بتحصل لي بعتبرها دروس، وأسأل نفسي دايمًا: ليه المشكلة دي حصلت؟ وأتعلم منها”.
وأضافت: “ما بقيتش أقعد أزعل وخلاص، بقيت أسأل نفسي إيه السبب؟ وبقيت مؤمنة إن ربنا بيختبرني علشان أطلع أقوى، مش علشان يتعبني، والحمد لله بعيش دلوقتي أحلى أيام حياتي”.
الصحة النفسية ضرورة للجميع
كما شددت داليا مصطفى على أهمية الصحة النفسية وضرورة طلب المساعدة النفسية عند الحاجة، قائلة: “أي حد لازم يزور دكتور نفسي من وقت للتاني.. تتكلم، تفضفض، تقول اللي جواك. حتى رسالة صغيرة لحد تقول له (أنا عايز أتكلم)، ممكن تفرق جدًا في حالتك النفسية”.
وأشارت إلى وجود فرق في طريقة التعامل بين الرجال والنساء مع المشكلات، موضحة: “الراجل بيبقى عايز حل واضح: أعمل إيه؟ لكن الست محتاجة تفضفض بس.. مش دايمًا محتاجة حلول، بس محتاجة حد يسمعها”.