طرح المطرب الشعبي رضا البحراوي أغنيته الجديدة بعنوان “هكمل المشوار” عبر قناته الرسمية على يوتيوب، وذلك في توقيت يتزامن مع قرار إيقافه عن الغناء لمدة شهر من قبل نقابة المهن الموسيقية، وهو ما اعتبره البعض ردًا على قرار النقابة.
صناع أغنية “هكمل المشوار”
أغنية “هكمل المشوار” من كلمات عمرو قطب، ألحان خالد سلطان، توزيع موسيقي طه الحكيم، والإنتاج من هاي ميوزك – طارق عبد الستار.
كلمات أغنية “هكمل المشوار”
“مشيت السكة من أولها
وللآخر أنا هكملها
ومهما الدنيا عاندتني
مطرح ما تهترسي أدخلها
لا يوم هتجيبني لمس إكتاف
ولا هجيب عمري ورا ولا أخاف
هتعمل فيا إيه يعني
وفي واحد ياما لف وشاف
من يوم ما وعيت على الدنيا
مبطلتش شقي وتنطيط
من خبطه بفوق علي التانية
وناشفه دماغي زي الحيط
وقعت كتير وقومت كتير
وياما شبعت فيها تخبيط
ورجليا اتهريت تكسير
وعادي بقول دا شرخ بسيط
نشف عضمي وبقيت جامد
وفرمتني الحياة بجبروت
فمهما الدنيا هتعاند
هسلك في الحديد وهفوت
ولو فين حقي راح أجيبه
ولو حتى في بؤ الحوت
ولو فيها موتي لا هسيبه
ولا هسيب حد فيا يشوط
هتاخد مني إيه تاني
ما عنديش اللي أنا أبكي عليه
ماحلتيش إلا أحزاني
وضهر يتيم بأوح بيه
وعمر بيجري ع الفاضي
وشعر الشيبة سرحت فيه
فمهما هيحصل أنا راضي
هكمل المشوار وأمشي
قرار نقابة المهن الموسيقية ضد رضا البحراوي
يُذكر أن نقابة المهن الموسيقية قررت إيقاف رضا البحراوي لمدة شهر ابتداءً من 1 مايو، بالإضافة إلى إحالته لمجلس التأديب، وذلك بسبب مخالفته لالتزاماته السابقة بعدم استخدام الشعارات التي تتعارض مع آداب المهنة، فضلًا عن مخالفته للمادتين 60 و61 من قانون النقابات الفنية رقم 35 لعام 1978.
هذا القرار يأتي في إطار جهود نقابة المهن الموسيقية للحفاظ على الآداب والتقاليد المجتمعية في الوسط الفني.