أجرى الفنان خالد الصاوي لقاء مع الإعلامية بوسي شلبي، على هامش حفل تأبين المخرج سامح عبد العزيز،ضمن فعاليات مهرجان القاهرة السينمائي، وذلك قبل عرض فيلم وجع الفراق الذي يخوض الفنان بطولته، وتتولى تأليف وإخراجه ابنة سامح عبد العزيز.
تأثر خالد الصاوي أثناء حديثه عن فيلم وجع الفراق لـ ابنة المخرج سامح عبد العزيز
وتابع خالد الصاوي حديثه عن ابنة سامح عبد العزيز كمخرجة، قائلا: جميلة مثلت معانا في مسلسل صدفة فهي قريبة من الكاميرا ، وسامح كان دايما بيفرجها على العدسات ويشرحلها ولما الأب يبقى مخرج كبير وتقعد معاه بتشرب منه كويس، وهي بتدور وتذاكر وده المخرج وكان مالية مكانها كمخرجة، وأنا قولتلها اللي قدامك شخص عادي مش خالد الصاوي.
خالد الصاوي عن سامح عبد العزيز: حتة مني
وكان قد قال خالد الصاوي في ندوته بـ حفل تأبين سامح عبد العزيز: سامح حته مني والصداقة بينا في الشغل احنا معلمين بعض وقعدنا ٢٠ سنة سوا ربنا يرحم اللي رحلوا ويقوي اللي موجودين ويفضلوا فاكرين وسامح حاضر معانا بايفيهاته وتوجيهاته حتي بلحظاته المشحونة.
وتابع خالد الصاوي حديثه: سامح عبد العزيز كان دايما بيجمعنا في حياته وفي حياته التانية وجميلة بتجمعنا النهاردة وبشكر الفنان حسين فهمي والشباب هو الحياة وهو اللي بيوجهنا للحياة.
تفاصيل فيلم وجع الفراق لـ ابنة سامح عبد العزيز
وعرض فيلم وجع الفراق منذ قليل ضمن فعاليات مهرجان القاهرة السينمائي الدولي، بدورته الحالية، والعمل يعكس مشاعر جميلة ابنة سامح عبد العزيز بعد وفاة والدها، ويتضمن 4 مشاهد سينمائية صامتة تعبر عن وجع الفراق، ويشارك في بطولته الفنان خالد الصاوي ومريم المهدي.
المصدر : تحيا مصر