أعلنت البلوجر جهاد أحمد منذ قليل، انفصالها عن مطرب المهرجانات الشعبية عصام صاصا، وذلك بعد قصة حب كبيرة، كانوا دائما ما يتحدثون عنها، حتى بعد سجنه كانت المرأة الداعمة له في كل ما يمر به.
طلاق عصام صاصا وجهاد أحمد
من جانبه كتب عصام صاصا في منشور هو الأخر: “حابب أتكلم ف نقطه بسيطه بس عشان بعض كلام الناس بيضيقني يعلم ربنا إني مشفتش أي حاجه ف حياتي وحشه من الست دي ومشفتش منها غير كل خير وعمرها ما كانت غلطانه ف حقي لا بالعكس عشان بس محدش يظلمها وربنا يصلح حال الجميع ويسترها ع كل الناس .
تصريحات جهاد أحمد قبل ساعات من طلاقها من عصام صاصا
وكانت قد كتبت جهاد قبل ساعات من طلاقها من عصام صاصا: طيب نقطة عشان أقفّل وأشاعات أنا شخصيتي كده وهتفضل كده أنا ممكن أتعامل مع شخص وهو فيه عيوب الدنيا وميفرقليش هو وحش ولا حلو بس لما بقفل منه بيتشطب من حياتي ومش بيرجع تاني من الآخر بيبقى هو بالنسبة لي عيني مش بتشوفه مهما كانت غلاوته كبيرة عندي اتقفلت منه يعني أتمسح من حياتي دي أنا وده اللي يريحني أنا فا محدش يضايقها حاجة أنا مختارها في حياتي أنا.
وتابعت: وبلاش تخلوني أتكلم في حاجات أنا مش حابة أتكلم فيها واخليكم تكرهوا ناس ممكن تكونوا بتحبوها أنا مرضاش حد يحس الوجع اللي أنا حسّيته ويتخزل في أي شخص بيحبه سواء كان صاحب أو حبيب أو من دمك.
جهاد أحمد: عمري ما أذيت شخص
وتابعت جهاد أحمد: عمري ما دخلت حياة شخص وأذّيته فا خليها تمشي كده أحسن واللي مش عاجبه شخصيتي في حاجة اسمها بلوك أنا محدش تعب مكانى ولا عايش بمهدئات مكاني ولا بيضحك علشان الناس متزهقش لما تشوفني ولا عايش ميت زي ما فا نسكت ونشد كرسي ونتفرج بس لأني عمري ما دخلت حياة شخص وأذّيته دايمًا كنت إضافة الحمد لله وفي كثير منكو يشهد لي بهذا ولكن أنا اتاخد مني نفسي وده مش قليل ؟
المصدر : تحيا مصر