حرص شقيق محمد رحيم على إحياء ذكرى وفاته، التي تحل اليوم الأحد الموافق 23 من شهر نوفمبر، مشيرا إلى أنه أدى رسالته على أكمل وجه، وسيرته الطيبة موجودة في كل مكان، وأنه إنسان خلوق ومحترم.
شقيق محمد رحيم يحيى ذكرى وفاته: يوم وفاته الناس كلها لمست قد اي كان محترم
شقيق محمد رحيم: انا غيبت عني جسدا لكن مغبتش روحا
وأضاف شفيق محمد رحيم: كان مؤدب وكان هادي وبيحب فنه ومش بيغلط في حد وبيحب النجاح، بني ادم جميل وطيب وخلوق وربنا حبه فحبب فيه خلقه.. انت غيبت عني جسدا لكن مغبتش روحا، بنزلك بوستات وصور لحد امبارح، انت من الخيار فربنا اختارك.
وأكد: كلنا رايحين يوم التلات أو الأربع هنكون مع بعض كأسرة كاملة.
ماس ابنة محمد رحيم توجه رسالة مؤثرة له في ذكرى وفاته
هذا وكانت ماس، ابنة محمد رحيم قد وجهت رسالة مؤثرة له في ذكرى وفاته، قالت فيه: “فكرت كتير في الكلام اللي نفسي أقوله النهارده و اللي عارفه كويس أوي إنه هيوصلك و هتحس بيا عشان اللي بيني و بينك مکانش و عمره ما هيكون في الأرض و انتهى عليها و بس، يمكن بقالي ٣ شهور بحاول اجمع كلامي و بقالي سنه بحاول اصدق انا بقيت ادور عليك في تفاصيل عمري ما كنتش باخد بالي منها في العادي.. بدور على صوتك في كلامي و ملامحك في مرايتي و في وشوش اخواتي و اهلنا كل ما بتوحشني يا بابا بتفرج عليهم وبشوفك فيهم.”
وتابعت: أنا فقدت روحي و نفسي و احساسي و ادراكي و شغفي لما انت مشيت و لكن كل مره بفتكرك فيها والله والله بيرجعولي تاني و لو حد عايزني في حاجة بجد يحلفني بعيونك، ذكرى أليمة و بتوجعني و بتحطمني و لكن كفايه عندي إني بفتكرك انت و رب العالمين رزقني بيك و خلاني بنتك و خلى حبك في قلبي كبير كدا عشان توحشني اوي اوي اوي اوي كدا، ادعو ل قلبي بالرحمه والمغفرة.
المصدر : تحيا مصر