ربنا قال غطي نفسك عشان يحميني من نظرات الناس اللي هتكسرني

أحداث أسما شريف منير عن أهمية الحجاب في صيانة الذات وحمايتها من أعين الناس والمتحرشين، وكانت بدايتها في الحديث جذابة، حيث تحدثت عن خوف زوجها عليها واستعداده للمشاجرة اذا نظر إليها رجل في الشارع، وعن والدها الذي رباها عن صون جسدها، مشيرة “امال ربنا بقى؟”.

أسما شريف منير: شوفت بعيني جوزي وهو بيحميني وأبويا اللي ممكن يضحي عشان يحافظ عليا 

وتابعت: طب لو دي مشاعر جوزي وأبويا … أمال ربنا، اللي خلقني وبيحبني أضعافهم كلهم، هيعمل إيه علشان يحميني من شياطين الإنس والجن؟.

أسما شريف منير: ربنا قال غطي نفسك عشان يحميني من نظرات الناس اللي هتكسرني 

وأضافت أسما شريف منير: ربنا ببساطة قاللي: غطي نفسك، مش علشان يخنقني ولا يضيق عليا، بالعكس … علشان يكرمني يصون قلبي قبل جسمي، ويحميني من نظرات ممكن تجرحني أو تكسرني.

واختتمت حديثها: الحجاب مش قيد الحجاب أمان.. الحجاب مش منع الحجاب ستر وكرامة.. هو ده حب ربنا  حب بيحميني من اللي مش شايفين قيمتي.

أسما شريف منير تتحدث عن تأثير الحجاب على أسرتها

وكانت اسماء شريف منير قد تحدثت عن تأثير ارتداءها الحجاب على أسرتها، فقالت خلال لقاءها مع et بالعربي عن رد فعل زوجها بعد الحجاب: جوزي اتبسط أكتر لما لقاني اتحجبت، وبقى يدلعني أكتر، لأنه ده الاستايل اللي هو بيتمناه، بس عمره ما حاول يفرضه عليا، وكان دايمًا بيكتفي إنه يدعيلي.

أما عن والدها شريف منير، فأشارت إلى أنهم تشاجرا سويا ولم يكن يتحدثوا ولكن بعد رؤية صورتها بالحجاب حرص على مصالحتها: أنا وبابا كنا متخانقين، وأول ما شاف صوري بالحجاب كلّمني وصالحني، وقال لي بوسيلي جوزك، الراجل المحترم، عشان أكيد له تأثير في القرار ده.