هاجمت الفنانة مي عمر شخصية شهيرة من داخل الوسط الفني لم تكشف عن شخصيتها لكنها أكدت أنه متناقض بسبب هجومه على الفنانين زملائه الذين احتفلوا بتصدرهم التريند في شهر رمضان الماضي بمسلسلاتهم والذين كانوا من بينهم الفنانة مي عمر، على الرغم من أنه بعد عرض مسلسله ضمن مسلسلات الأوف سيزون وتصدر التريند بدأ في الاحتفال بنجاحه.
مي عمر تهاجم شخصية شهيرة: كلامه تنظير وفزلكة
نشرت مي عمر عبر حسابها الرسمي على موقع التواصل الاجتماعي فيسبوك وكتبت عن الشخصية التي تتحدث عنها مهاجمة هذا الأسلوب: “زميل (مش ممثل) ، وكنت بعتبره صديق ، طلع في رمضان كتب بوست بيتريق فيه على الناس اللي بتفرح وتشارك إنها ترند رقم واحد، والبوست كان كله بقى: “الترند مش هدف الشغلانة” و “إحنا بنشتغل عشان الفن مش الأرقام”… كلام تنظير وفزلكة على أعلى مستوى. وأنا ساعتها قلت مش هرد، وكنت سايبة الأيام تكشف. عشان كنت عارفة إن عنده مسلسل هيتذاع أوف سيزون، وأول ما يقرب من أي ترند حتى لو دخل رقم عشرة نص ساعة، هيبقى مش مصدق نفسه وهيقعد يشارك ويحتفل كأنه فتح القدس”.
وتابعت: “وفعلاً… مكدبش خبر! أول ما مسلسله دخل التريند، بقى بيشارك فرحان إنه “رقم واحد”. الله! هو الترند كان وحش في رمضان وبقى جميل دلوقتي؟ طبعا أنا مش ضد إن أي حد يفرح بنجاحه… بالعكس مبروك والله، ومن حقك تفرح وتشارك لإن ده تعبك ومجهودك. بس ياريت نبطل المنظر بتاع: “أنا مختلف… أنا فوق الترندات” وبعد كده أول ما نقرب منها نطير من الفرح وننشر 20 ستوري.”
مي عمر: ليه بقينا شطار في التنظير؟
اختتمت الفنانة مي عمر حديثها الذي يرصده موقع تحيا مصر مستنكرة الأشخاص الذين يهاجمون غيرهم، قائلة: “وأنا عارفة إن أي حد يعرفني كويس هيستغرب من كلامي، لأني عمري ما رديت على حد. بس بجد ليه إحنا شطار جدًا في إننا نحرّم على غيرنا حاجة، ولما تيجي في ملعبنا تبقى فجأة أحلى حاجة في الدنيا؟ في الآخر… الترند مش هدف.
غير لما يبقى معانا.. للتوضيح، كلامي مش موجّه لأي نجوم شاركوا في العمل بالعكس أنا بقدّرهم وباحترمهم علشان ماحدش يفهمني غلط”.
مسلسل إش إش
جدير بالذكر أن مي عمر تألقت في رمضان 2025 بمسلسل إش إش الذي حقق نجاح كبير وتصدر قوائم الأعلى نسبة مشاهدة، وشاركها في بطولته ماجد المصري، انتصار، محمد الشرنوبي، شيماء سيف، هالة صدقي، وكوكبة من الفنانين.
المصدر : تحيا مصر