إصابة إدوارد بشلل في المعدة والسبب كارثة.. كيف نجا من الموت؟ (تفاصيل صادمة)

أثار الفنان إدوارد قلق وذعر جمهوره بعد إعلانه عن إصابته بشلل في المعدة، إثر تعرضه لأزمة صحية بسبب حقن التخسيس الشهيرة، وذلك خلال منشور عبر حاسبه الشخصي بموقع التواصل الاجتماعي الأشهر “فيس بوك”، والذي أعاد نشره عبر ستوري حسابه الشخصي بموقع تبادل الصور والفيديوهات “انستجرام”.

إدوارد يكشف عن تفاصيل إصابته بشلل في المعدة بسبب حقن التخسيس

كشف إدوارد عن تفاصيل مرضه قائلًأ: “مواظب على دايت مع الدكتورة والحقن لحد الأسبوع اللي فات فجأة غير جعان خالص وقعدت حوالي 4 أيام ولم أدخل حمام ولا قادر أكل ووجع في معدتي جامد”.

وأضاف: “دكتورة التغذية قالتلي وقف الحقن وروح لدكتور جهاز هضمي فورًا وعملت كده روحت لدكتور قالي حصلي شلل مؤقت من الحقن في المعدة وكان مفروض تتابع معايا مع دكتورة التغذية قولتله أنا اللي كنت بطنش عشان كنت تمام”.

وتابع إدوارد: “قالي الحقن مش وحشة ومفعولها كويس، بس أنا بنصح أقصاها 3 شهور بس تاخدها وتوقف فترة وترجع تاني، بس لازم طبعًا برده متابعة مع دكتور تغذية”.

وأردف: “من غير ما طول عليكم أنا بقالي أسبوع بتعالج وعملت كل التحاليل حتى صبغة على الكلى، والحمد الله معنديش غير شوية زيادة في الأملاح زي كل المصريين بطني بتتحسن واحدة واحدة، ولسة المعدة وجعاني، والدكتور قالي من 8 لـ9 أيام ترجع عادي، وإن شاء الله هبقى كويس”.

إدوارد بعد إصابته: حقن التخسيس مش وحشة وجابت نتيجة بس لازم مع دكتور التغذية دكتور جهاز هضمي وكمان دكتور قلب

واستكمل: “أنا حكتلكم تجربتي عشان بقولكوا إن الحقن مش وحشة وجابت نتيجة هايلة معايا بس لازم مع دكتور التغذية دكتور جهاز هضمي وكمان دكتور قلب لو أمكن عشان سرعة ضربات القلب”.

واختتم إدوارد منشوره قائلًا: “أتمنى أكون قدمتلكم معلومات كويسة عن تجربتي وربنا يشفي أي حد تعبان وأشوفكم دايما كويسين”.

آخر أعمال إدوارد

على صعيد آخر، كانت آخر أعمال أدوارد مسلسل “بقينا اتنين”، شاركه بطولته النجوم شريف منير، ورانيا يوسف، وميمى جمال، ويوسف عثمان، وتامر فرج، ومروة عبد المنعم، وعزة لبيب، وياسر الطوبجى، ونانسى هلال، وعزت زين، ونبيل علي ماهر، وعمر طلعت زكريا، والفنان الراحل طارق عبد العزيز، وهو من تأليف أمانى التونسى، وإخراج طارق رفعت، وإنتاج K media.