بعد نجاح أولى حلقاته.. ليلى علوي ومراد مكرم يشيدان ببرنامج دولة التلاوة

أشاد كل من الفنانة ليلى علوي والفنان مراد مكرم، ببرنامج دولة التلاوة، وذلك بعد النجاح الكبير الذي حققه بعد عرض أولى حلقاته عبر شاشات المتحدة.

ليلى علوي ومراد مكرم يشيدان ببرنامج دولة التلاوة

فيما حرص الفنان مراد مكوم على الإشادة ببرنامج دولة التلاوةـ وقال في منشورا له: عايزين تعرفوا قد إيه مصر ولاده وفى حته تانية؟ الاثباتات كتير اوى، بس تابع برنامج  دولة التلاوة،  واسمعوا الاصوات وجمالها وقوتها.

مراد مكرم يتحدث عن فقدانه للوزن

 وكان الفنان مراد مكرم، قد تحدث في لقاء تليفزيوني سابق خلال لقائه في ببرنامج صاحبة السعادة، عن رحلته في فقدان الوزن، وخسارته 24 كيلو، قائلا: ده كان قرار أخد سنين، وكان جسمي كويس قبل ما أتجوز بسنتين أو تلاتة، ومع الجواز والعزومات الكتيرة لاقيت نفسي تخنت جامد أوي، وبرنامج “الأكيل” زودني 8 أو 10 كيلو لكن مش هو اللي تخني، وابتديت أدخل في مشاكل صحية زي الركب، وابني في طفولته كنت مقلبوظ أوي ومكنتش بعرف ألعب معاه، وحصل تراكمات، وليه أعمل في نفسي كده.

وتابع مراد مكرم: وأخدت فترة كبيرة عشان أخرج من الدائرة دي وإني مش هطلع همي في الأكل، وجتلي فكرة إني أروح الجيم، ومفكرتش إني أعمل تكميم، واللي تخني إني بطلت ألعب رياضة، ولما بطلت رياضة وبدأت أكل، ابتدى وزني من هنا يزيد.

مراد مكرم: ملجأتش لعملية تكميم معدة 

وأضاف مكرم: وفكرة إني ملجأتش لحلول سريعة زي “التكميم”، إني مش مضطر، وبدأت الجيم من أربع شهور لكن بدأت أخس من قبل كده، وخسيت 24 كيلو، وفي أول 10 كيلو خسيت غصب عني بسبب مرض السكر، والدكتور كتبلي حقن خسستني لأنها بتخلي معدل الحرق يزيد، وبعد ما وقفت الحقن واتعودت إني ماكلش كميات، رجعت أتمرن، ومع التمرينات والحرق وبعض نصايح الكوتش نزلت 14 كيلو، ومش مستعجل إني أخس عشان وشي ميبقاش شكلي وحش لإن أنا راجل ممثل، وأنا وصلت في 2020 لوزن 158 كيلو، ولو كنت لجأت لعملية، شكلي كان هيكبر 20 سنة.