علق الطبيب المعالج للفنانة شيرين عبدالوهاب على حالة الجدل التي أثيرت حالة من الجدل على مواقع التواصل الاجتماعي والوسط الفني خلال الأيام الأخيرة الماضية، وذلك بشأن حديثه عن حالتها النفسية وتغير وزنها، بعد ظهورها الأخير في عزاء والدة المايسترو أمير عبد المجيد.
تعليق طبيب شيرين عبدالوهاب
وحرص الطبيب المعالج لـ شيرين بعد توجيه الكثير من الانتقادات مؤخرا، على توضيح تصريحاته السابقة بشأن عدم رؤيته للفنانة منذ شهرين، حيث كتب في منشور له عبر صفحته الشخصية على موقع التواصل الاجتماعي فيسبوك: “الناس اللي فهمت كلامي غلط وافتكرتني إني بتخلى عن الفنانة شيرين لما قولت إن أنا بقالي شهرين مشوفتهاش، كنت بس بوضح إن التغير اللي حصل في آخر فيديو ليها وارد جدًا يحصل لأي حد في رحلة الدايت، وارد يحصل انتكاسة لظروف معينة ويرجع يكمل تاني عادي”.
وأضاف في منشورره: “أنا عمري ما أتخلى عنها ولا عمري اتخليت عن أي حالة عندي، وكان كلامي واضح إنه نبطل نشمت في الناس ونعيب عليهم بدون ما نعرف ظروفهم إيه، وكنت بحاول أقلل الانتقادات السلبية والكلام الجارح اللي بينشر في كل حتة، وبالنسبالي الفنانة شيرين عبدالوهاب أيقونة الغناء المصري والصوت العربي، وهفضل أحاول معاها مهما حصل ليا من اتهامات وتجريح.. واتقوا الله”.
تصريحات الطبيب المثيرة للجدل
وكان الطبيب نفسه قد قال في فيديو نشره عبرحسابه الشخصي على موقع التواصل الاجتماعي”فيسبوك”: “يا جماعة الناس من امبارح عمالين يبعتوا لي وبيسألوني على شيرين عبدالوهاب وحالتها الصحية، أنا عايز أطمنكم يا جماعة، الفنان ده إنسان طبيعي زي أي حد في الدنيا، أنا بقالي فترة ما شفتهاش أكتر من شهرين ونص وما تابعناش مع بعض”.
وأضاف: “بس آخر مرة كنت معاها كانت حالتها النفسية مش أحسن حاجة، وطبعا دي حاجة ليها أسباب تانية خاصة بيها هي، فطبيعي إن الحالة المزاجية يا جماعة بتعلي هرمون الكورتيزول، يعني الوزن بيزيد على الهوا، لو بتشرب مياه كده هتلاقي وزنك بيزيد، وهي إنسانة طبيعية خالص، يعني الفنان ده إنسان، وهي بقالها أكتر من شهرين ونص أنا شخصيا مش عارف أوصلها أصلا، فارحموا الناس حرام”.
وتستعد الفنانة شيرين عبد الوهاب للقاء جمهورها في لبنان، حيث من المقرر أن تحيي حفلًا غنائيًا في العاصمة اللبنانية بيروت يوم 26 ديسمبر المقبل.
