ما علاقة هاني شاكر؟.. ريهام سعيد تعترف: ارتكتب أكبر غلطة في حياتي

كشفت الإعلامية والفنانة ريهام سعيد، سر كتابتها جملة “أنا آسفة” خلال نعيها لأمير الغناء العربي المطرب الراحل هاني شاكر خلال منشور لها عبر صفحتها الرسمية على موقع التواصل الاجتماعي فيسبوك، حيث عبرت عن حزنها العميق بسبب ذلك.

ريهام سعيد تعترف سبب اعتذارها لـ هاني شاكر

وقالت الإعلامية ريهام سعيد، في برنامجها صبايا الخير على قناة النهار الفضائية، إنها هاجمت الفنان هاني شاكر في وقت من الأوقات، مضيفة أنها نادمة على عدم الاعتذار له خاصة بعد معرفتها بعد ذلك أنه كان على حق.

وأضافت في تصريحاتها:”طالعة أنعي الفنان هاني شاكر. كنا نعرف بعض عن قرب قبل أن أصبح مذيعة وكان هو وزوجته مدام نهلة يعرفوا عيلتي كويس، وبعد ما اشتغلت مذيعة كنت بقابله وأسلم عليه، لغاية ما غلطت غلطة في منتهى السذاجة، وبعدين بقيت أشوفه كان بيبقى نفسي أسلم عليه بس كنت محرجة، وبتكسف جدًا جدًا، وكان نفسي أروح الجنازة بس مكسوفة”.

وتابعت “أنا انفعالية وبنفعل بسرعة عشان غيري ودي حاجة مش لطيفة وسببتلي مشاكل كتير قوي، ووصلت لـ 50 سنة ومش عارفة أتعلم منها، بتحمق قوي عشان غيري وخصوصًا لو أنا صنفت الحكاية على قوي وضعيف، في وقت من الأوقات كان هو بيهاجم موضوع المهرجانات بشكل رهيب، وكان وقتها بالنسبالي مطربي المهرجانات ناس طالعة عايزة تعمل حاجة وتفرح الناس، ليه نقف في رزقها، دي كانت وجهة نظري وقتها وطلعت غلط، وهو كان صح جدًا”.

ريهام سعيد توجه رسالة مهمة هاني شاكر

وأضافت ريهام سعيد في منشورها “وأنا آسفة. من ساعة ما سمعت الخبر حزينة، متأخرة جدًا أنا آسفة دي، المهم إن ربنا كان إداني الفرصة أبويا كان تعبان في المستشفى من حوالي شهر وكان في نفس المستشفى موجود هاني شاكر، وقالتلي الممرضة إنه تحت وكان ممكن أنزل بس اتكسفت وخفت يكون زعلان مني، بس ندمانة جدًا دلوقتي إني ما رحتش أقوله إني آسفة إني هاجمتك عشان الموضوع ده، أنت أكبر من الهجوم ومش عارفة ليه متأسفتش على طول، يمكن اتكسفت وأُحرجت أو خفت من رد الفعل، بس برضه كان لازم أتأسف”.